> One has to wonder just how much Shakespeare you've read. Have
> you taken any Shakespeare classes at a college or university?
> Most courses begin by assuming you've already studied the
> differences in vocabulary that you're going to encounter in
> the text of the play, but some courses begin with a quick
> review of vocabulary because, lo and behold,
> Shakespeare uses many words and expressions that are no
> longer commonly used or understood by Modern English speakers.
I'm reminded of Geoffrey Chaucer's The Canterbury Tales, written in Middle English approximately 180-200 years prior to Shakespeare:
The Prologe of the Reves Tale
Whan folk hadde laughen at this nyce cas
Of Absolon and hende Nicholas,
Diverse folk diversely they seyde,
But for the moore part they loughe and pleyde.
5 Ne at this tale I saugh no man hym greve,
But it were oonly Osewold the Reve.
Bycause he was of carpenteres craft,
A litel ire is in his herte ylaft;
He gan to grucche, and blamed it a lite.
10 "So theek," quod he, "ful wel koude I thee quite
With bleryng of a proud milleres eye,
If that me liste speke of ribaudye.
But ik am oold, me list no pley for age,
Gras-tyme is doon, my fodder is now forage,
15 This white top writeth myne olde yeris,
Myn herte is also mowled as myne heris,
But if I fare as dooth an open-ers, -
That ilke fruyt is ever lenger the wers,
Til it be roten in mullok or in stree.
20 We olde men, I drede, so fare we,
Til we be roten kan we nat be rype.
We hoppen ay whil that the world wol pype,
For in oure wyl ther stiketh evere a nayl,
To have an hoor heed and a grene tayl,
25 As hath a leek, for thogh oure myght be goon,
Oure wyl desireth folie evere in oon.
For whan we may nat doon, than wol we speke,
Yet in oure asshen olde is fyr yreke.
"Foure gleedes han we whiche I shal devyse, -
30 Avauntyng, liyng, anger, coveitise;
Thise foure sparkles longen unto eelde.
Oure olde lemes mowe wel been unweelde,
But wyl ne shal nat faillen, that is sooth.
And yet ik have alwey a coltes tooth,
35 As many a yeer as it is passed henne
Syn that my tappe of lif bigan to renne.
For sikerly, whan I was bore, anon
Deeth drough the tappe of lyf, and leet it gon,
And ever sithe hath so the tappe yronne,
40 Til that almoost al empty is the tonne.
The streem of lyf now droppeth on the chymbe;
The sely tonge may wel rynge and chymbe
Of wrecchednesse that passed is ful yoore.
With olde folk, save dotage, is namoore!"
45 Whan that oure Hoost hadde herd this sermonyng,
He gan to speke as lordly as a kyng,
He seide, "What amounteth al this wit?
What shul we speke alday of hooly writ?
The devel made a reve for to preche,
50 And of a soutere a shipman, or a leche.
Sey forth thy tale, and tarie nat the tyme.
Lo Depeford, and it is half-wey pryme.
Lo Grenewych, ther many a shrewe is inne!
It were al tyme thy tale to bigynne."
55 "Now sires," quod this Osewold the Reve,
"I pray yow alle, that ye nat yow greve,
Thogh I answere, and somdeel sette his howve,
For leveful is with force force of-showve.
"This dronke Millere hath ytoold us heer
60 How that bigyled was a carpenteer,
Peraventure in scorn, for I am oon.
And, by youre leve, I shal hym quite anoon;
Right in his cherles termes wol I speke.
I pray to God his nekke mote to-breke;
65 He kan wel in myn eye seen a stalke,
But in his owene he kan nat seen a balke."